أكتو بر … أكتو بحر .. أكتو ..جو ............................................................... الشاعر / حسين راشد .......................... وفكت براقعها السمرة ورمضان .. غضبان .. عطشان للعيشة الحرة جم 3 مع 70 و19 بقوا ملايين متعاهدين والحب أوامر الساعة 2 وكما 2 نوصل للآخر ترجع سينا في حضن بلادنا يبقى النصر تاريخ أحفادنا في أكتوبر وأكتو بحر واكتو جو أكتو بر عدوا لحد الشط الثاني ع الخير و الشر وضحكة نيل جاريه م الوادي بيدوقوا المر .. أصل الحلو أسم بلادي لما تكون حره في أيدينا لما ترجع أغلى ما فينا في أكتو بر وأكتو بحر .. عدوا البحر وما اتبلوش أصل الصبر كان لينا أمر ما نخلفهوش ضفدع بشري .. أبنك وأبني بنينا السد بقينا وحوش عشان في الجد .. نقوم ونهد في حبة رمل .. وراها جيوش ما سي بارليف خطط لي خطوطه قال دا حصن القرن الآخر بلاش تخاريف .. أديني بشوطه بحبة ميه مش بقنابل وأكتو جو جم في الجو الحر أكابر زرعوا النصر .. لأمنا مصر يا عدو مكابر نزفنا الدم .. ودمنا هم تار بيخلي عيالنا عساكر تقوم وتصد .. ترفع وتمد في جيش كان فاكر نفسه شاطر زاد الطلق بقوة عليها في عز الظهر في شهر الوحوي جابت مصر بنتها سينا قالت يالموساد اتاخري وعدا اكتوبر مع رمضان للشط التاني خلاص فرحان والفرحة ملت أحزانه أغاني في أكتو بر في أكتو بحر في أكتو جو مصر في قلبي   06/11/2014 مصرنا ©
	.....................................................................................