رباعيات الوحدة الوطنية رباعيات الوحدة الوطنية   د. محمد توفيق ماضى ***** "1. بـِإِسمْ الدِّينْ" ***** لِيهْ بَسْ عَايـْزِ تِقَطـّعْ حَبْل زينْ وِ مَتِينْ وِ تْجِيبْ قـَنـَابِل وِ تِهْدِمْ فِى الوَطَنْ وِ تْهِينْ يَابُو مُخْ فـَاضِى وِ عَامِلْ حُجّهْ فِى الإِسْلاَمْ إِزّاىْ فِى يُومْ المِيلاَدْ تِقـْتِلْ بِـإِسمْ الدِّينْ؟ ***** "2. الغَلـْطـَانِينْ هُمِّهْ" ***** يَاخـْسَارَه عَ اللـِّى بْغـَبَاوْتـُهْ يِشْرِخْ الأمـِّهْ وِفْ كـُلْ يـُومْ فـَرْحِنَا يِخـْلِقْ لِنـَا غـُمِّهْ وِ سَعَادْتـُهْ إِنـُّهْ يِشُوفـْنَا مِتـْفَرّقِينْ دَايْمًا وِ الكـُلْ يِقْعِدْ يِقـُولْ "دَا الغَلـْطـَانِينْ هُمِّهْ" ***** "3. مِتـَبـِّتِينْ فِى الوَطـَنْ" ***** يَابُو مُخْ صَدّا بَقِينـَا مَضـْحَكـَهْ لِلنـّاسْ دَايْمًا تِقـُولْ احْنَا أحْسَنْ، وِ البَاقِى دُولْ مِشْ نَاسْ دَ الكـُلْ إِخـْوَه وَ حَبَايـِبْ، وِلـْكـُلْ وَاحِدْ دِينْ وِ مْتـَبـِّتِينْ فِى الوَطـَنْ، وِانتَ اللّى رَاحْ تِنـْدَاسْ ***** 4. أخـْتِنـَا "لـِيلـْيَانْ" ***** يَابُو مُخْ ضَارِبْ ضَرَبتْ وَطـَنّا فِى المَلـْيَانْ إِزّاى تِفـَجـّرْ وِ تِقـْتِلْ أخـْتِنـَا "لـِيلـْيَانْ" دَا أبُوهَا "غَالِى"، إِسْتـُشْهِدْ عَشَانْ يِحْمِيكْ وِ هُوّه حَاضِنْ فِى"أحْمَدْ"، وِ بْيهِزمْ فِى جيشْ "دَيـّانْ" ***** "5. إِخـْوَاتْ" ***** شُوفْ كَامْ كـِنِيسَهْ وِ جَامِعْ مَلـْيَانِينْ صَلوَاتْ وِ البَرَكَه عَمِّتْ بَلـَدْنَا وِ السّبَبْ دَعَواتْ دَا النـِّعْمَه كَانِتْ لِكـُلْ النّاسْ فِى وَطـَنِّهْ وِفْ كـُلْ شِدّه وِ هَنَا، كُنّا يَا نَاسْ اخْوَاتْ ***** "6. مَصْر بَاقِـيـِهْ" ***** سَمَاحْ يَاخَالَهْ امْ جِرْجِسْ دُولْ عِيَالْ مَخَابِيلْ دَا لاَ هُمَّا مِنَّا وَلاِ شِرْبُوا مَعَانَا نِيلْ وَ اللهْ دِمُوعِكْ بِـتِرْوِى شَجَرِةْ الوِحْدِهْ وِ مَصْرْ لِلـْكـُلْ بَاقـْيِه، وَاهِى وَاقـْفِهْ وِ مِشْ هَاتْمِيلْ ***** "7. وِصَالْ المَحَبِّهْ" ***** يَارَبْ عَامْنَا الجِدِيدْ يِبْقَى عَامْ الخيرْ وِ يدِيمْ وِصَالْ المَحَبّهْ، بـِينْ عَلِى وِ ألـْبيرْ وِ المَصْرِى يِحْضـُنْ أخـُوهْ، وِ نِبْقـَى إيدْ فِى الِإيدْ وِ الكُلْ يِبْقَى فْ أمَانْ، إنْ كَانْ فِى غيطْ أوْ ديرْ ***** "8. نِصَلـِّى فِى أمَانْ" ***** مَتِيجُوا نِنْسَى الضّلاَمْ وِ نْشُوفْ الوَطـَنْ جَنِّهْ عَشَانْ نِصَلـِّى فْ أمَانْ وِ نـْكـَتّر فِى ألحَانـِّهْ دَا وَطـَنـّا عَامِلْ حَضَارْتـُهْ مِنْ نَسِيجْ وَاحِدْ طـُولْ عُمْرُهْ ضَامِمْ فِى حُضْنُهْ مُصْطـَفَى وْ حَنّا ***** "9. عُقُولْ ضَلـْمِهْ" ***** يَاجَهَلـَهْ يَاللـِّى كِرِهـْتـُوا شَمْلِنـَا المِتـْلـَمْ خَليتـُوا وَطـَنْ التَسَامُحْ يـِبْكِى دِمُوعُهْ دَمْ وِ عَشَانْ تَعَصُّبْ مِعَشِّشْ فِى عُقُولْ ضَلـْمِهْ بـِنـْدُوقْ فِى عِيدْ المِيلاَدْ بَدَلْ المِلـَبِّسْ غَمْ *****   06/11/2014 مصرنا ©