"أزمَه وِ تعَـدِّى" "أزمَه وِ تعَـدِّى" د. توفيق ماضى ***** يَا مَصر أزمَه وِ تعَـدِّى مُش هَـنهَـدِّى و الخير هَـيِـيجى عَلَى يَدِّى يَامُ الصّابرِين ***** يَامَا تَارِيخِك شَاف ضَلمِه مِن نَاس ظَالمِه وِ طلِعتِى مِن إيدهُم سَالمِه وِ بَـنيتِى عَـرِين ***** وِ وَحّدِك جِدِّنا مِينَا وِعَـمَل بِـينَا حَضَارَه مِ النّوبه لِ سِـينا فِيها هِمّه وِ دِين ***** حُطِّى إيديكِى عَلَى كتَافِى إِوعِى تخَافِى دَا لاجل حُضنِك الدَافِى ضَحينَا سِنين ***** وِ كُل وَاحد فِينا نَاوِى زَى الحَاوِى يِـشفِى جِرَاحِك وِ يدَاوِى مَاحنا العَاشقِين ***** اللِّى طِلِعنا فى يَـنَايِر وِ بجِـيل ثَايِر وِ فيه بَناتنَا بِضفَايِر قَبلِنَا ثَابتِين ***** مَاهو كُلِّـنا بِنمُوت فِـيكِى وِ هَـنفدِيكِى وِ ليل نِهار هَـنعَـلّيكى وِ الرّب يِعِـين ***** 23/4/2013   06/11/2014 مصرنا ©