"شـَنـِّه و رَنـِّه" ............................................................... تمثال للفلاح الفصيح د. توفيق ماضى كَان لِـىَّ شـَنـِّه كان لـِىَّ رَنـِّه أيـَّام ما كـُنـْتْ زَارَع و بـَنـِّهْ أيـَّامْهَـا عُمْر مَاحَـدْ هَــنـّـِه لاَزِم أرَجَّـع بـِلاَدِى جَـنـِّــه و يـِبْقَى لِـىَّ شـَنـِّه و رَنـِّه ***** بَنـِيتْ حَضَارتِى عَـلـَى الزِّرَاعَـة عَشـَانْ مَا حَدِّشْ يـِهِنّى سَاعَـة هَاعْرَقْ فى أرْضِى مِنْ غير مَجَاعَة وِ رِزْقْ رَبـَّك يـِمـْلا المِــشـَنـِّــــة و يـِبْقَى لِـىَّ شـَنـِّه و رَنـِّه ***** هَــازرَعْ غِيـطـَانِى دُرَه و غــَلــِّه و اعْجـِن يـُومَاتِى مَاجُورْ و حَلـِّه و اخـْبـِزْ فى دَارِى مِن غير مَذَلـِّة نـَاكـُلْ و نِقـْنـَعْ و الكـُل غــَنـّـِه و يـِبْقَى لِـىَّ شـَنـِّه و رَنـِّه ***** إيه اللـِّى جَنـِّه مـِن الفـَرَاولـِـــه اللـِّى بـِلاَسْتـِك مِن غير حَلاَوْلـِه يـَامـِيتْ خـُساره دا القـَمح أوْلـِه دا خير فى بيتى لَو حَدْ جَالـنِه و يـِبْقَى لِـىَّ شـَنـِّه و رَنـِّه ***** قــال أيــه أَحَـلــِّى بـِكـَنـْتـَلـُوبْ دا القَاشيـِه مَعْدَنْ و الحَالْ يَدُوبْ شَــمـَّامِى طـَعْـمُه جُوَّه القـُلـُوب يــِرْوِى وِلاَدِى أحْــمَدْ و حَـــنـِّه و يـِبْقَى لِـىَّ شـَنـِّه و رَنـِّه ***** باحِبْ أزرَع جـِمــّيزْ و تــُوتْ وابْنـِيلِى قَاعْدِه عَنْد التـَابُوتْ و تـَحْتْ إيــدى ألاقى قـُــوتْ وعـُمْرِى مَاسمَع مِنْ حَدْ مـِنـِّه و يـِبْقَى لِـىَّ شـَنـِّه و رَنـِّه ***** نِفـْسِى أرَجَّعْ مـَجْدِى اللِّى فـَاتْ وازِيدْ فِى أرْضِى كِدَه مِنْ سُكَاتْ ودايمًا ادِّى ما قـــُولـْش هَـــات وِ ولاَدى يـِحْـكـُوا مِنْ تـَانِى عَنـِّـهْ و يـِبْقَى لِـىَّ شـَنـِّه و رَنـِّه *****   06/11/2014 مصرنا ©
	.....................................................................................