المعمعة ...............................................................   شعر : حسين راشد ...................... مسموح لك .. تخطي خطوتك ع الأرض تفرد عيونك ع اللي ضاع ما تلملمه ما تقولش يوم أنا وأنا ممنوع عليك .. الوجع ممنوع عليك تفتكر إنك سليل الآلهة و إن كنت عايز تعيش الدور ما تكونش ديب كن  مع بالاختصار .. إمعة فالجعجعة .. لازم تكون متوزعة ونصيبك المفروض ..مفرود ماشي عليه العنكبوت بيلوط في كل ودن متسرعة تابع تبيع متبوع وباع المسألة بالمرقعة إياك تخاطر للأمان كل اللي كان قبلك زمان جت حرافيشه موقعة في الموقعة انك تعيش ..عريان ..جبان ما تكنش يوم في المعمعة صدقني أنا خايف عليك والخوف ..بدن والبدن ..طواف قديم ياما احتمل ..جلد الذوات عشان يبات في يوم بدون الموجعة فكان يشيل .. على كتفه أسفار التاريخ و كما البهيم ينقل تخاريف الضعضعة فيكون كما المسطول خايف من المحمول  إن قابله صوت قنديل فيميل .. على جراب البردعة ويبوس تراب النور وسقف السما إنما معرفش يوم إنه طاووس في ريشة نار متجمعة والنار بلا دخان بتحوم على المسمعه يصبح هزيل فيميل على لقمة الليل البخيل تلف بيه الأسئلة فيرج صحن الدموع م الجوع ويشرب هواه بدع دعه مدسوس في مشه دود المنفعة كل ..مع أو أطلق الوش العليل في قلب نيلك الموجوع الجوع .. منبت في الأمعاء ألف آهة مولعة أطلقها في وشه بمدفعه أطلقها في وشه بمدفعه يا تعيش مع الأشراف ما تخاف يا تموت في قلب المعمعة   مصرنا ©
	.....................................................................................