أنا مش رئيس ............................................................... كلمات حسين راشد أنا مش رئيس مش كوسة .. ولا فردة دراع ولا توريث أنا مش رئيس مش لعبة رخمة ونقورة ولا تهييس أنا المحب للوطن .. مزروع في دمي كل نبتة مؤمنة ونبت الأمل ما يموتش يوم أما الوفاة للهردبيس أنا مش رئيس أنا مش رئيس لا زي ده ولا زي ده ولا أيدي ممدودة لعدا وتاريخ ملحم في السدا ناسج أنا توب العريس و عروستي مش ممكن تكون هي البلد عروستي غنيوة أمل لجل البلد بنت الوجوه الطيبة و الملهمة أما البلد .. فتكون على الراس وف القلب النفيس محمية بينا مش بالتعيس أنا مش رئيس ومش ناوي أكون غيري أنا مش عايز أكون دلدول كبير ولا أتشتم من ناس بتنحت في الضمير كلمة خرس مش عايز أعيش خلف الحراسة المرعبة ولا عايز أكون وسط الغيلان أنا مش جبان لكن إن مت ما موتش فطيس أنا عايز أكون جندي يحرر شعب نايم نومة الضعف التعيس شعب رافض قدرته و خيبته يمكن حكمته أنه يعيش جوا الهاويس شعب ما يهموش حكومة شعب رافض أي نومة كلمته بتغوص في دمه وفي نفسه ميت مليون رئيس ولحد ما أفتح شنطتي وأكتب و أدون حكمتي ملعونة كل القراطيس أنا مش رئيس     06/11/2014 مصرنا ©
	.....................................................................................