مصر لما تتكلم .. فالكل يخرس ............................................................... حسين راشد ............... مصر لما تتكلم .. فالكل يخرس مصر مش حاكم ولا باش مهندس مصر اللي تجلى ربنا في طور سنينها فاكرينها؟ حبينها ولا كارهينها؟ مصر اللي أوت وحمت ملايين بنيلها لازم لها اللي يقدرها يشيلها جوه العيون والقلوب المؤمنة فاسمحيلي يا مصر .. أتكلم بدالك أسمحيلي يا حبيبتي ألف لفتي في عقول ولادك وصدقي مهما بدور .. وأدور و أدور رجعتي دايماً عشانك كلمتي من طمي نيلك فلا يمكن تزعج جنابك اسمحيلي أقولهم عنك حقيقة اسمحيلي أقولهم انك حقيقة و إن الحروف اللي بتجري في شِعرهم مهش دقيقة و إن ظلة في قلب نيلك مستحيل تصبح غريقة سايبه العيال يلعبوا عسكر وحرامية طلقوا الكلام المر .. نازلين جلد فيكي بدل ما يزيلوا العدا جابوا كرابيجهم عليكي و أنتي يا طور السنين مستحيه تقولي يا ولادي أنا أمكم من طينتي كان نبتكم لترابي جايلي عضمكم ولحمكم من نبت أرضي العفية أنا العفيفة لما كان الكل خاين أنا الأمان من زمان .. ولحد ما يؤون الأوان .. أرض الكنان ما تغيرتش ..أنتوا مين؟ أنتوا اللي سيبتوا مجدكم و جريتم ورا كل زفة حبه برة في الخليج .. حبه في الدول اللي حافة وحبتين دلع وخفة انتوا اللي توهتوا بجهلكم ورا كل كلمة صادقة زايفة جاين بترموا كل أفعالكم عليا جاين تقولوا اني بخون!! و أنا اللي باقية من الزمن محمية من إله الكون مش بيكم أنا اللي ياولادي أدتكم حضارة ماكنتش منكم يوم شطارة ولا حد فيكم كان له معنى ما لقتش من زمن الفراعنة غير جتت خاليه من الوشوش مخلفتش من بعد مينا غير الفاشوش وتتكلموا .. وما بتسكتوش تلعنوا فيا و ليا منا كل ما أسس منارة .. بتسيبوها ما تكملوش وكأني ما ربتش فيكم .. غير كروش وألسنة بتسب فيا أنا مش بهية .. ومش أغاني أنا مصر .. وأنتم حد تاني ‏03‏/05‏/2009   مصرنا ©
	.....................................................................................