يا ساتر استر ............................................................... كلمات حسين راشد ........................... يا ساتر أستر .. يا ساتر استر كان أيه مخبي و أيه المقدر الدنيا صبحت مهمومه بينا ولا بقينا طرطور بترتر يا ساتر استر يا ساتر استر خد مني صاحبي صحبة و زمالة و اداني طعنة ...و لجل الامانة الطعنة صبحت في القلب شامة قوت سواعدي و خلتني أكبر و يا ساتر استر .. يا ساتر استر مش كل دمعة تحمي الشفايف و لا كل دقة بتنزف جراح في ناس بتزرع مر الهزيمة و ناس بتسرق كل الجراح و ادينا على البر اللي لينا كاسرين سفينة نوح بنوحنا رافعين رايات مهش لروحنا نكتب ساعات و نكدب ساعات بين خد وهات .. بيموت ما فينا يا ساتر استر منا وفينا كان أيه مخبي كان فين مداري اللي انت فاكره صاحي وقراري منكوش في مخه دود الأفاعي مركون لساعة مالهاش قرار يا ساتر استر من كل نار جايه بتطفي لمعة شرار كان يوم املنا يبقى النهار لكنه غار و سابوا ايدينا تطلب سماحة اللي يعادينا يا ساتر استر يا ساتر استر اسود عيشنا و عشنا السواد و عشان ما نشبع بنقوله هات يدينا لقمة في الحلق واقفة لا تقل جوعنا ولا تبقى زاد بنقول حرام .. وحرام حرام كفاية لسه و لسه الكلام لا ايدينا طالت تلطم خدودنا ولا حتى قدرت تحمي الحمام يا ساتر استر م الانهزام عبرنا يمكن .. ويمكن عبرنا لكن في بر الشر نمنا فتحت عيون وعيون تصيبنا و حبة بخور عزلت ما بينا لا قدرنا على كبت ضميرنا ولا انتصرنا ولا انهزمنا بقينا على خط الزوال .. و ادحرجت بينا الرمال دم الشهيد الحي قال فين هي مصر .. فينك جمال وجمال بلادنا مهوش مبارك ولاحد قاله العيد مبارك ولما تقرا سورة تبارك هتلقى بلوة موتنا حياتنا كان ليه اتولدنا لما احنا عالة يا ساتر استر ..من دي القوالة   الفنان التشكيلي والقاص والشاعر حسين راشد نائب رئيس حزب مصر الفتاة وأمين لجنة الإعلام رئيس الاتحاد العربي للإعلام الالكتروني رئيس تحرير جريدة مصر الحرة الالكترونية www.misralhura.tk www.auem.org 06/11/2014 مصرنا ©
	.....................................................................................