خواطر المزيني في نجع حمادي ............................................................... بقلم . نبيل عواد المزيني مع نسمة النيل المزيني يسأل بسلام عليكم وينادي أة اللي جراليكم ياولاد بهية هناك في نجع حمادي ما تنسوش مصرنا دي الاخوة نهر لساة بيجري في الوادي في الناس المسرّة وعلى الأرض السلام والخير ديما في بلادي والمساجد جنب الكنايس ديما تسبح في ارضنا وترنم عليادي اليادي ياولاد بلدنا في النجع يا خوات ياأهل ياجيران وصحابة أحفظو أصلنا في مصر وحمامها البرئ من انياب الديابة بتعوي عبر اثيرالفضا وغربان بتزعق عوزين بلادنا تصبح غابة حدادي سود وبوم مشؤم ياولد العم بيزيدو علينا الهم ونوينها خرابة ماتسمعش كلامهم يامرقس ويا محمدين اصحي وحياة أبوك وبلاش الخيابة يا محمود يا جرجس خد بالك من حمام ارضنا واديلوة حرية في الغية وأسقية أخوة وأمل وشاركة بعدل في عمل يعطينا ربي الاجل ونزيد حنية ويعود الطير لعشة من غير ماعدو ينشة داحضن مصرنا يسيع الف ومية في اكتوبراحمد جنبة غالي عبروا القنال وضحوا بالغالي والنصركان هدية وابوزعبل لما انضرب والمدرسة بحر البقر مات صابر فيها واختة مرية ياحروف بالأمان اكتبي علي صفحة النيل الوفي حبي لمصر ضمان يروي منة ولد عمي فام و زيدان شجر المحبة والاخوة بينا غيطان أيادي عافية تزرع امل وتحصد قمح وعسل يكفي الاهل والجيران وقلوب مؤمنة تصلي تسبح تمجد الرب لاجل يبعد عن بلدنا الشيطان ياأرض التاريخ والاثر والمخطوطات يانجع حماد ومحمد السمان يا تدرس يا حسن لمصرنا تعالي نسبح نرنم ونردد كمان غناوي من نجعنا السكر يحلي الشاي بالسمر والاهل والخلان وايا القهاوي النيل بيروي قصبنا عسل يزيد حلاوتة من عرق نبيل واخوة بباوي نجعنا معدن قلبة صافي والمونيوم بالود مجمع علي وحدتنا ياما حكاوي مين زينا بركة ومحبة في ارضنا ماري مينا عندنا وسيدي عبد الرحيم القناوي   06/11/2014 مصرنا ©
	.....................................................................................