"إبن تسعة" ............................................................... "إبن تسعة" د. توفيق ماضى ***** يَارَبْ إِدِّى شَعْبِنَا .. وَاحِدْ "أوبَامَا" مِنِّنَا إحْنَا نِجيبُه بِرَأيـِنَا .. مَايكـُونشِ غَصْبنْ عَنِّنَا هُوّ اللّى يـِسْمَعْ رَأيـِنَا .. وِ احْنَا اللّى نِحْكُمْ نَفْسِنَا وِ إنِّنَا إحْنَا الأسَاسْ .. وِ هُوَّه ضيف عَلَى كـُرْسِنَا مَاهُشْ مُنَزَّه مِ الخَطـَا .. أصْلـُه بَشَرْ مَهُو مِنـِّنَا شَايفْ بإنْ النَّاس سَوَا ء .. وِ مَالـُوشْ زِيَادَه عَنِّنَا وِ كـُلْ وَاحِدْ إبْن تِسْعَه .. نِقْدَرْ نِجـِيبُه لِحُكْمِنَا عُمْرُه ما يـِحْلَم بالوَريثْ .. اللِّى يـِبَدِّدْ حِلـْمِنَا يـِزْهَقْ مِن اللِّى يـِقـُول نِفَاق .. وِ يْقُولْ دَا يِبعِد عَنـِّنَا لاَ لـُهْ غَفَرْ تِظـْلِمْ فِى نَاسْ .. وَ لاَ عَامْلَه رُعْبْ عَنْدِنَا كـُل جِيوشُة مِفـَنْجـِلِه .. تِحْمِى الوَطـَن مِشْ مِنـِّنَا يـِنْصُبْ مَشَانـِقْ لِلْحِيتَانْ .. لـَمَّا يـِغِشُّوا فِى أكْلِنَا دَايمًا يـِخَافْ مِنْ يـُومْ حِسَابْ .. لَمَّا نِصَوَّتْ كـُلـِّنَا عُمْرُه مَاشَافْ قـَصْر المُلـُوكْ .. سَاكِنْ فِى عِشـِّة زَيـِّنَا حَاسِسْ يـُومَاتى بالجَعَان .. عُمْرُه مَايَاكـُل قـَبـْلـِنَا لاَبـِسْ حَلَقْ مَكْتـٌوبْ عَليه .. إِن "الزَّمَنْ دِهْ عَصْرنَا" وِ بَعْد فـَتْرَة يـِقُول سَلاَم .. وِ احْنَا نـِشِيلـُه فِى قـَلـْبـِنَا وِ الكـُرْسِى يبْقَى لِجـِيلْ جِدِيد .. يـِحْمِى العَلَمْ من بَعْدِنَا ***** د. توفيق ماضى أستاذ إدارة الأعمال بجامعة الإسكندرية "سابقا" وبجامعة الكويت حاليا mady@cba.edu.kw المزيد 06/11/2014 مصرنا ©
	.....................................................................................